डिभाइन टेम्पल एकेडेमीमा अध्ययनरत कक्षा १२ का विद्यार्थीलाई बिदाई

लेकाली अनलाइन

२०८१ चैत्र २९ गते शुक्रवार प्रकाशित

लोक गायक प्रकाश शर्मा र नृत्याङ्गना शर्मीला के.सी को प्रस्तूतीमा गुन्जायमान कार्यक्रम

तुलसीपुर, २९ चैत्र । डिभाइन एजुकेसन फाउन्डेसन अन्तर्गत सञ्चालित डिभाइन टेम्पल एकेडेमीमा कक्षा १२ मा अध्ययनरत बर्ष २०८१ को ब्याचलाई आज बिदाई गरिएको छ । लोक गायक प्रकाश शर्मा र नृत्याङ्गना शर्मीला के.सीको प्रस्तुतीमा गुन्जायमान कार्यक्रमका बिच उनीहरुलाई बिदाई गरिएको हो । कक्षा १२ अध्ययन गर्दै आइरहेका विद्यार्थीहरुलाई मायाको चिनो प्रदान गर्दै, उज्ज्वल भविष्यको कामनाका साथ बिदाई गरिएको हो । बिदाई भनेको छुट्टिनु मात्र होईन, फेरि अर्को भेटको बाचा पनि हो ।

केहि गर्छु भन्ने विद्यार्थीहरुको लागि अगाडि बाट हात तान्न र पछाडि बाट पुस गर्न विद्यालय परिवार सदैव तयार रहेको भन्दै अन्तिम विकल्प नभए सम्म विदेश जाने सोँच नबनाउन विद्यार्थीलाई प्रिन्सिपल भोजराज न्यौपानेले सल्लाह दिनुभएको थियो । डिभाईन टेम्पल एकेडेमीमा कक्षा ११ मा अध्ययनरत विद्यार्थीहरु द्धारा आयोजित कार्यक्रममा विद्यार्थीहरुले विभिन्न सांगितिक प्रस्तुती सहित कार्यक्रमलाई मनोरन्जित बनाएका थिए । डिभाइन एजुकेसन फाउन्डेसनका सीईओ भोजराज न्यौपानेको अध्यक्षता तथा तुलसीपुर उद्योग वाणिज्य संघका पूर्व अध्यक्ष बिमल रिजालको प्रमुख आतिथ्यता मा सम्पन्न कार्यक्रमको सहजिकरण शिक्षक प्रकाश भट्टाराईले गर्नुभएको थियो ।