काठमान्डौं, ७  चैत ।  प्यालेस्टायन स्रोतहरूका अनुसार गाजा शहरको सब्रा छिमेकमा रहेको एक घरमा इजरायली बम विस्फोटमा कम्तीमा २५ प्यालेस्टिनीको मृत्यु भएको छ । 

अन्य दर्जनौँ घाइते भएका छन् । पीडितहरूमा महिला र बालबालिका पनि रहेको चिकित्सा स्रोतहरूले बताएका छन् । प्रत्यक्षदर्शीहरूले मृतक र घाइतेहरूलाई अस्पताल लगिएको बताएका छन्। सुरक्षा स्रोतहरूले इजरायली युद्धविमानहरूले कम्तीमा एउटा क्षेप्यास्त्र प्रहार गरेको बताएको छ । 

यसैबीच, इजरायली सेनाले गाजाका विभिन्न क्षेत्रहरूमा तिब्र हवाई आक्रमण शुरु गरेको छ । जसमा ४ सय भन्दा बढी व्यक्तिको मृत्यु भएको छ । दुई महिनाको युद्धविराम पनि भंग भएको छ ।