काठमाण्डौँ, ९ फागुन । काठमाडौं महानगरपालिकाका प्रमुख बालेन साहले नेपाली भएर बाँच्ने आधार दिन प्रधानमन्त्री केपी शर्मा ओलीसँग आग्रह गर्नु भएको छ ।  सामाजिक सञ्जालमा लेखेर उहाँले विश्वजगतमा नेपाल र नेपालीको पहिचान धुमिल हुन लागेको भन्दै  स्वाभिमानपूर्वक बाँच्न दिन आग्रह गर्नु भएको हो । 

‘प्यारो प्रधानमन्त्रीज्यू’ भनेर सम्बोधन गरेर उहाँले नेपाललाई अमेरिकाले भ्रष्ट, भारतले भिखारी भनेको र चीनले गन्नै छाडेको भन्दै चिन्ता व्यक्त गर्नु भएको छ। आफूलाई महानगरपालिकाको मेयर भनेर बिर्सिन र नेपाली भएर बाँच्ने आधार दिन प्रधानमन्त्रीलाई भन्नु भएको छ ।