सल्यान ।

विजया दशमीको अवसरमा सल्यानमा फुटबल प्रतियाेगिता हुने भएकाे छ ।

सल्यान टेक प्राइभेट लिमिटेडले खेल विकास र विस्तार गर्ने उदेश्य सहित आगामी असाेज १८ गते देखि २२ गते सम्म प्रथम सल्यान टेक गोल्ड कप जिल्ला स्तर फुटबल प्रतियोगिता आयोजना गर्ने भएकाे हाे ।

फुटबल प्रतियाेगितामा बिजेता टिमलाई ६६ हजार ६ सय ६६ रूपैयाँकाे पुरस्कार घाेषणा गरिएकाे छ । उपबिजेतालाई ३१ हजार १ सय ११ रूपैयाँ पुरस्कार दिइने सल्यान टेक प्राइभेट लिमिटेडका संचालक बासुदेव चलाउनेले बताए

उनका अनुसार फुटबल प्रतियाेगिता खलंगा स्थित लुहापिङ मैदानमा हुनेछ । टिम दर्ताका लागि ५ हजार ५ सय दस्तुर राखिएकाे छ ।